Stormur

Stormur í aðsigi?

Ójá komið að uppáhaldsbarninu sem á von á Stormi um þessar mundir samkvæmt sónartæki, amma og afi í Borgarnesi eru farin að bíða, afi bíður reyndar í vinnunni en er búin að setja á ískápinn úrklippu með "Stormur" á í tilefni dagsins. Ég er ótrúlega heppin tvö barnabörn á sama árinu og á svipuðum tíma. Guð er góður.

Ekki er reyndar ljóst hvort Stormur er strákur eða stelpa enda skiptir það ekki meginmáli í heimi kraftaverkanna.

Hún dóttir mín grunar reyndar að ég ætli að hanga á snerlinum heima hjá henni -yfirspennt gamla konan. Ég sem er ráðsett virðuleg eldri kona, nú dossar í mér.

Haustið er aldeilis ekki tími tregans eins og stendur í kvæðinu, haustið er tíminn þegar veðrið veit ekki alveg hvort það er vetur eða sumar. Haustið er tími töfrandi litbrigða. Haustið færir mér ótrúlega gleði.

Njótum dagsins lífsins og hvers annars.