Andleg ruslafata

Lí­f mitt var ekkert nema skáldskapur, dans eftir undarlegu lagi sem enginn heyrði nema ég, dagarnir mínir, stuttir og langir, vísur orð sem rímuðu ekki.

þriðjudagur, janúar 09, 2007

Friðsæld

Friðsæld er fólgin í að vera

Við eyðum mestum tíma lífs okkar í að hlaupa og gera hluti.
Við gleymum að vera áður en við förum að gera.
Það væri svo einfalt ef við myndum alltaf eftir að staldra við og íhuga áður en framkvæmt er. Framkvæmd er meðal annars það að gefa áfram það sem við höfum öðlast.

Ég er ein ábyrg fyrir heilsu minni, geðheilsu og lífi, svo verður það áfram.
Lífið heldur áfram.

Athöfnin í gær var flott, við hæfi í alla staði. Gott að jarðaförinni er lokið, önnur verkefni taka nú við ekkert verður eins, ekkert er hægt að taka til baka. En ég ætla að gefa mér meiri tíma til að vera og skoða þá staðreynd að það sem nú er sorg mín var áður gleði mín.
Mikil gleði er enn til staðar og ég nýt hennar.


----------------------------------------------------
Einhverstaðar á jörðinni er sól, ég þarf að hafa fyrir því að sjá hana fyrir mér nú í skammdeginu. Út í daginn fer ég með sól í sinni, tekst á við verkefni dagsins.
Ætla að sleppa því að líta í blöðin, hef misst mig dulítið mikið í að reyna að finna út hversu stór hluti sneplanna sem inn um lúguna berast eru ekki auglýsingar, ekki neikvæðar fréttir eða umfjallanir um sitthvað sem miður hefur farið.
Njótum hvers annars.

Það er gott að vera til. Kveikjum á kerti

7 Comments:

  • Sæl Hafdís mín, mér þykir fyrir því að hafa ekki komist í jarðaförina í gær. Var mikið hugsað til ykkar. Vonandi finnurðu sólina sem fyrst.

    By Anonymous Nafnlaus, at 8:16 f.h.  

  • Sæl Hafdís mín, mér þykir fyrir því að hafa ekki komist í jarðaförina í gær. Var mikið hugsað til ykkar. Vonandi finnurðu sólina sem fyrst.

    By Anonymous Nafnlaus, at 8:16 f.h.  

  • Kæra Dögg, takk fyrir þínar fallegu hugsanir.

    By Anonymous Nafnlaus, at 10:00 f.h.  

  • Elsku Hafdís, hugsanir okkar hafa verið hjá þér og þínum nánustu síðustu daga, athöfnin í gær var mjög falleg. kveðja Gullý.

    By Anonymous Nafnlaus, at 1:30 e.h.  

  • Elsku Hafdís og fjölskylda.

    Vonandi að dagarnir framundan verði bjartari með hækkandi sól.

    Ég gái út um gluggann minn.
    hvort gangir þú um hliðið inn.
    Mér alltaf sýnist ég sjái þig.
    Ég rýni út um rifurnar,
    ég reyndar sé þig alls staðar,
    þá napurt er.
    Það næðir hér
    og nístir mig.

    höf: Villi Vill

    Kveðja
    Tommi, Rúna og Kristján Freyr

    By Anonymous Nafnlaus, at 9:13 e.h.  

  • Takk Gullý mín fyrir að koma og hugsa fallega til okkar, við höfum litið bjartari tíma.

    By Anonymous Nafnlaus, at 9:55 e.h.  

  • Lífið heldur áfram Tommi, en þetta er súr biti að kyngja.
    Takk fyrir að koma bæði tvö og takk fyrir styrkjandi hugsanir.
    Ekki veitir af.

    By Anonymous Nafnlaus, at 9:57 e.h.  

Skrifa ummæli

<< Home


Vorið kemur með von til mí­n.
 
Sign my Guestbook from Bravenet.com Get your Free Guestbook from Bravenet.com